Pakaseknan dagiti sumagmamano nga empleyado a maatap a saanda a mapo-promote gapu iti kinaawan ti kapit dagitoy, indatag ni Sen. Ruffy Tulfo iti CSC

Inyunay-unay ti Civil Service Commission (CSC) nga adda ti mekanismo tapno masigurado a kualipikado dagiti nadutukan ken napo-promote nga empleyado ti gobierno.

Daytoy insungbat ti CSC kalpasan a kinuwestiyonaran ni Senator Erwin Tulfo mainaig iti pakaseknan dagiti sumagmamano nga empleyado a maatap a saanda mapo-promote gapu iti kinaawan ti kapit dagitoy.

Sigun kenni CSC Chairperson Marilyn Barua-Yap, desisyon ti agency head ti maipapan iti appointment ngem suksukimaten ti CSC no pasado iti qualification standards dagiti appointee.

Innayon ni Yap nga iyuswat ti CSC ti modernized Human Resource Information System (HRIS) tapno digital a makita ti kualipikasyon dagiti empleyado ken makatulong iti transparent nga appointment ken promotion.