Maisayangkat ti selebrasyon ti Elderly Filipino Month iti siudad ti Baguio iti entiro a bulan ti Oktubre.
Sigun iti kaudian a datos, agarup 67,000 ti bilang dagiti senior citizens iti siudad ti Baguio.
Kas paset iti selebrasyon, nakasagana metten dagiti nagduduma a programa ken aktibidad para kadagiti senior citizen.
Mabalin a makipaset kadagiti nasao a programa babaen iti pannakikoordinar kadagiti presidente iti Senior Citizens Association iti barangayda.
Kanayonanna, adda dagiti seminar a maipatungpal maipapan iti computer ken digitalization kasta metten dagiti seminars mainaig iti mental health.
Mainaig iti dayta, nakasagana metlaengen dagiti livelihood program tapno maadaan latta iti partisipasyon dagiti senior citizens iti komunidad.
Maguyguyugoy met dagiti senior citizens a sumrek kadagiti livelihood activities a mailinya iti kabaelan ken interesda.
Karaman kadagiti mabalinda a pakipasetan dagiti aktibidad a makatulong a mangpabileg iti entusiasmo ken talekda iti bukodda a kabaelan.
Makatulong metlaeng ti livelihood activities iti panangipaay iti bassit a kita.
Iti sabali a bangir, manamnama met a tallo a centenarian iti siudad ti Baguio ti makaawat iti benepisyon kas paset iti nasao a selebrasyon.
Tarigagay dagiti mangidadaulo a mapagtalinaed ti aktibo a pannakipaset dagiti senior citizens iti komunidad. // via Bombo Khey Reparip
