Inlaksid ni Vice President Sara Duterte ti akusasyon ni sigud a senator Antonio Trillanes IV nga immawat dagitoy iti minilmilyon a kuarta manipud sadiay China.
Sigun kenni Duterte spokesperson Salvador Paolo Panelo Jr., manu a tawenen ti mauli-ulit a panagulbod ni Trillanes mainaig iti bise presidente ken ti pamilya daytoy.
Daytoy ti kinuna ni Panelo, kalpasan nga imbutaktak ni Trillanes a maatap nga immawat ni Duterte ken ti asawana a ni Atty. Manases Carpio iti P150 million ken P319 million.
Impetteng ni Trillanes a naakawat ti bise presidente iti kuarta manipud iti Chinese embassy babaen iti foundation daytoy, bayat a nakaawat ni Carpio iti kuarta babaen iti korporasyon daytoy.
Kabayatanna, binabalaw ni Panelo ti administrasyon gapu iti panangipaayda iti plataporma kadagiti akosasyon ni Trillanes.
Binabalawna metlaeng ti sigud a senador gapu iti saanna a panangibinglay kadagiti akosasyonna iti Senate impeachment court a pagsapataan daytoy.
