--Ads--
Impetteng ni Defense Secretary Gilberto “Gibo” Teodoro a mangpataud iti dakkel a parikut iti seguridad ti pagilian no pudno ti alegasyon nga immawat ni Vice President Sara Duterte ken ti asawana a ni Manases Carpio iti kuarta manipud iti gobierno ti China.
Ti nasao nga aglegasyon ket nagtaud kenni sigud a senator Antonio Trillanes no sadino, kinunana nga immawat dagiti agasawa iti minilnilyon a kuarta manipud iti embahada ti China.
Idagdagadag ni Teodoro kenni Trillanes nga isubmitirna ti ebidensiya para iti nainget nga imbestigasyon.
Sigun kenni Teodoro, rumbeng nga isubmitir ti sigud a senador dagiti ebidensya nga adda iti ikutna kadagiti autoridad tapno naan-anay a maimbestigaran.
