Inlaksid ni Senate President Sherwin Gatchalian ti alegasyon a nilapdan ni Senate impeachment court presiding officer Francis “Chiz” Escudero ti panagtestigo ni sigud a Senador Antonio Trillanes IV iti impeachment trial ni Vice President Sara Duterte.
Sigun kenni Gatchalian, saan laeng a ni Escudero ti nagdesisyon no maipaayan iti subpoena ni Trillanes agsipudta naikonsulta pay nga umuna kadagiti senator-judge ti impeachment court.
Inlawlawag ni Gatchalian nga adda dagiti sumagmamano a napateg a banag iti impeachment trial nga umuna a pagsasaritaan ken konsultaen ni Escudero kadagiti senador-judges sakbay nga agipaulog iti desisyon wenno pangngeddeng.
Karaman ditoy no agtestigo ni Trillanes a karaman kadagiti saksi nga inlista ti prosekusyon iti manifestation daytoy maipapan iti Article II , wenno ti alegasion nga unexplained wealth kontra iti bise presidente.
