Kinidaw ti ICC registry iti Trial Chamber III nga ilawlawagda ti panangpalubosda kenni sigud a President Rodrigo Duterte a rummuar iti courtroom bayat iti panagdengngeg iti kaso na.
Sigun iti registry, mabalin a mangipaay iti disinformation ti killaat lattan a panagpukaw ti sigud nga opisyal iti courtroom feed nangnangruna ta dakkel ti interes dagiti biktima ken apektado a komunidad iti kaso a sangsangwenna.
Insingasing ti Registry nga ilawlawag ti korte iti publiko ti standing permission tapno makaruar ni sigud a President Duterte iti korte ken mangipaay daytoy iti konkreto a detalye seknan iti daytoy.
Impeksa met ti registry ti nainget a panagbantay dagiti Pilipino iti kondisyon ken garaw ti sigud nga opisyal.
Iti kanito a saan daytoy a personal a makadar-ay iti panagdengngeg, mabalin a makipaset daytoy babaen iti video link manipud iti ICC detention center, banag a kumpirmaren py laeng ti Chamber III.
Immuna metten nga indeklara ti nasao a korte a fit to stand trial ti sigud a Presidente.
Naituding met ti maikapat nga status conference ti kaso inton Oktobre 13 bayat a naituding met inton Nobyrembre 2 ti maudi nga status conference sakbay iti trial proper.
