Kalikagum dagiti visually impaired organization iti siudad ti Baguio a makipaset iti international games.
Daytoy ti naiyekbas ni Geg Tangeg Jr., presidente ti visually impaired organization/group iti Baguio-Benguet kagiddan ti pannakaipatungpal ti chess tournament idi Huebes, Oktubre 15 sadiay Kayang – CSWDO.
Iti pannakiuman ti Bombo Radyo kenni Tangeg Jr., ad-adda a mapasayaat ti pannakaamo ken panagsanay dagitoy babaen iti pannangipatungpalda iti chess tournament.
Impeksana nga adda man ti skills dagitoy ngem nasaysayaat nu agbalin daytoy nga sports saan laeng a past time.
Innayunna nga agrugrugi paylaeng ti nabukel nga organisasyon a visually impaired community isu’t gapuna nga agkiddaw pay dagitoy iti kanayunan a suporta.
Inlawlawag ti presidente nga adda ti tulong ken maipapaayan dagitoy iti atension ngem saanda unay a prayoridad.
Kabayatanna, agyamyaman met dagitoy iti City Mobile Force Company iti Baguio City Police Office, gapu iti suporta ken tulong dagitoy.
Iti panangsuporta ti pulisya ket adda iti sidung ti programa a “Revitalized- Pulis sa Barangay (R-PSB)”.
Innayun ni Tangeg Jr., nga idi damu a nangipatungpalda iti chess tournament ket is-isuda laeng ngem ita ket simmuporta ti PNP kasta metlaeng ni Councilor Rocky Aliping.
Panggep dagitoy nga agawis iti team manipud sadiay Manila intun sumarunu nga aktibidad tapnu ad-adda a pasayaat ti kapadasan dagitoy.
Iti sabali a bangir, manamnama a maipatungpal ti anibersaryo dagitoy inton Nobyembre.//Bombo Noveh Organo
