Impallagip manen ni Baguio City Congressman Mauricio Domogan ti obligasyon dagiti nagannak kadagiti annakda maipapan iti issue iti bullying.
Iti presscon nga impatungpal daytoy iti kalman,inyebkasna a kas maysa ama ken apo, ti panagraira iti bullying ket gapu ti pananglipat dagiti nagannak iti obligasyon dagitoy kas first teacher iti pamilya.
Innayonna pay a nu ti maysa nga ubing ket bully, addaan daytoy iti problema iti attitude na.
Malaksid ti dayta, impeksana ti pannakaisubli kuma dagiti good manners and right conduct gapu ta daytuy ket paset iti pannakabukel ti ubbing.
Impaganetget pay ti opisyal a ti nasken kuma pay nga ipaayan ti atenson ket ti epekto ti bullying gapu ta adda metten ti linteg a nabukel panggep ti bullying.
Dinakamat metlaeng ni Congressman ti kinapateg ti partisipasyon ti kapulisan kas iti Pasadang Pambarangay no sadinno matalantan ditoy ti nagduduma a pakaseknan kasta metleng ti solusyon ken rekomendasyon para iti pannakasolbar wenno pannakakisay dagiti issue kas iti bullying, graffiti, fraternities, basura ken dadduma pay. | via Bombo Noveh Organo
