Inyunay ni Senate Committee on Finance Chairman Sen. JV Ejercito ti kinapateg ti panagmaymaysa iti panangidepensa iti national interest, soberanya, ken karbengan dagiti Pilipino iti tengnga ti karit a sangsangwen ti pagilian iti maipapan ti national security.
Iti statement daytoy seknan iti singasing a badyet ti Department of National Defense para inton sumaruno a tawen, impetteng ni Ejercito a rumbeng a nalawag ken natiber ti gobyerno nu maipapan iti nasao nga isyu.
Impetteng metlaeng ti nasao a senador ti kinapateg ti panangpapigsa iti kabaelan ti Armed Forces of the Philippines (AFP) tapno masigurado a madepensaan ti pagilian.
Innayona pay a kas chairperson ti Senate Committee on Finance, kayatna a siguradoen nga agtultuloy ti suporta iti modernisasyon ti AFP depende iti kabaelan ti gobyerno a mangpondo iti kasapulan a proyekto.
