Maysa kadagiti tampok ti kaluklukat laeng ita nga aldaw a Baguio Arboretum ti birdwatching, malaksid kadagiti nagduduma nga species iti kaykayo idiay Leonard Wood .
Sigun kenni Atty. Rhenan Diwas, mangidadaulo ti City Environment and Parks Management Office, makita ken marikna iti nasao a pagpasyaran ti kinabaknang ti siudad ti Baguio, Rehiyon ti Cordillera ken ti pagilian a Pilipinas.
Inlawlawag met ni Atty. a ti pannakailukat ti Arboretum ket continuing project gapu ta adu pay ti nasken a matarimaan kas iti enriching ken panangpapintas iti biodiversity, kasta metten ti panangtarimaan iti wellness space.
Guyguyugoyen met ti nasao nga opisyal ti publiko a makipaset iti pannaka-transform ti nasao a lugar.
Impeksa met ni Atty. Diwas nga awan ti panggepda a mangnayun iti anyaman nga species wenno klase dagiti ayop gapu ta mas prayoridad da ti panangisubli kadagiti natural wenno native habitant iti nasao a lugar.
Impanamnama met a natibker ti boardwalk/walkway ti nasao a pagpasyaran.
Kabayatanna, ti entrance fee ket maisurot iti entrance free iti Botanical Garden a P110 tunggal turista.
Iti sabali a bangir, pinadayawan ni Mayor Benjammin Magalong ti City Environment and Parks Management Office (CEPMO) babaen iti panangidaulo ti Atty. Diwas gapu iti resiliency daytoy tapno madevelop ken mapapintas amin dagiti tourist destinations iti siudad.
Innayonna nga adda pay dagiti nasken a maaramid iti Arboretum kas kadagiti labels dagiti kayo ken dadduma pay.
Imbinglay metlaeng ti mayor nga agarup innem a tawen a naisagsagana ken naaramid ti nasao a baro a pagpasyaran iti siudad. // via Bombo Noveh Organo
