Ginuyugoy ni Senator Robin Radilla dagiti kritiko a personal a makisarita dagitoy kenni Chinese Ambassador Jing Quan.
Malaksid iti dayta, impetteng ti Senador a saan a nagpangta ni Quan iti pagilian.
Inladawan ni Padilla ti ambassador kas maysa nga edukado a tao ken kinunana a nasayaat no personal maam-ammo daytoy sakbay a babalawen.
Kabayatanna, pinagduduaan ni Philippine Coast Guard spokesperson for the West Philippine Sea Commodore Jay Tarriela ti kinuna ni Padilla.
Sigun kenni Tarriela, manu a daras a nangiruar ni Quan kadagiti statement a naibilang a pangta kadagiti Pilipino, pakairamanan ti kinuna daytoy itay nabiit a nalaka a maparmek ti Pilipinas iti kanito nga agaramat dagitoy iti puersa.
Impaganetget ni Tarriela a personal metlaeng nga inaramid ni Quan dagiti kontrobersial a sasao, isu’t gapuna a saan nga umdas a makasarita laeng iti personal ti nasao a Chinese ambassador.
