--Ads--
Imbutaktak ni Senator Ruffy Tulfo ti nasaknap a panaglako kadagiti bogos a PWD ID kadagiti online platforms, a mangituntunda iti ₱166 bilion a pannakalugi kadagiti negosyo.
Iti panagdengngeg iti singasing a 2027 a pondo ti DSWD iti Oktubre 21, kinuna ni Tulfo a dumanon iti 8 million ti mapattapatta a PWD ID iti pagilian.
Nupay kasta, dua laeng iti daytoy ti lehitimo ken rehistrado iti NCDA.
Sigun iti Senador, nalaka a makagatang iti bogos nga ID iti social media Marketplace.
Gapu iti daytoy, kiniddaw ti senador ti pannakarepaso ti proseso ti pannakaipaulog ti PWD ID ken pannakaipatungpal ti unified verification system tapno masalakniban dagiti lehitimo a benepisiario ken malapdan ti pannakaabuso daytoy.
