Agtultuloy nga idagdagadag ni Navotas City Representative Toby Tiangco ti pannakaipasan ti Citizen Access and Disclosure of Expenditures for National Accountability (CADENA) Act.
Patien ni Tiangco a babaen iti nasao a gakat, maiparangarang ti transparency iti gobyerno.
Sigun kenkuana, ti kaawan transparency iti gobyerno ket mangitunda iti panagduadua nangnangruna kadagiti mapagduaduaan nga opisyal nga agdama nga adda iti puwesto.
Gapu iti daytoy, kiddawna a maipasa daytoy iti Kamara iti baet a naaprobaran ti kapada a singasing ni Senator Bam Aquino iti maikatlo ken maudi a pannakaibasana idiay Senado.
Maaramat iti nasaoa sistema ti ‘blockchain’ no sadino maaddaan iti access ti publiko kadagiti dokumento no kasano a ginastos ti gobyerno ti pondo ti pagilian.
