--Ads--
Nadangran ti 20 nga indibidual kalpasan a dinayyeg ti magnitude 5.7 a ginggined ti Shizuoka Prefecture sadiay central Japan ita Domingo, Nobiembre 08.
Sigun iti Japan Meterologicl Agency, awan ti pangta ti tsunami gapu iti nasao a ginggined.
Innayon ti ahensiya nga ita laeng a napasaran manen ti napigsa a ginggined sadiay Aichi kalpasan ti 30 a tawen.
Mainaig iti dayta, narikna ti lower 5 intensity iti Aichi, Shizuoka, Gifu ken Nagano.
Pattapatta ti ahensiya a posible nga addaan daytoy iti kaadalem a 41 kilometers iti makindaya a paset ti Shizuoka.
Kabayatanna, naapektaran ti suplay ti danum iti sumagmamano a paset ti Higashiura sadiay Aichi gapu iti nasao nga insidente.
