Dinayyeg ti magnitude 6.7 a ginggined ti southern Andes ti pagilian a Peru ita biernes, Agosto 21, 2026.
Sigun iti U.S. Geological Survey, napasamak idi Huebes, Agosto 20 ti gingigined pasado 1 p.m. iti local time sadiay Peru wenno pasado 2:00 a.m ita Biernes, Agosto 21 iti oras ti Pilipinas.
Nailista ti sentro iti 38 kilometers (24 miles) northwest ti Upahuacho City iti Parinacochas province ti Ayacucho region.
Addan daytoy iti kauneg a 66.7 kilometers.
Narikna ti ginggined kadagiti sumagmamano a rehion ti southern Peru.
Manarimaan paylaeng ti beripikasyon dagiti maseknan nga otoridad iti insidente ti pannakadangran ken pannakadadael dagiti imprastraktura.
Masansan dagiti ginggined sadiay pagilian a Peru a paset ti Pacific “Ring of Fire, lugar a masansan ti seismic activity.
Maipalagip a napasamak metlaeng ti magnitude 7.9 a ginggined iti maysa a probinsiya ti Ica region sadiay Peru idi 2007.
Nangitunda daytoy iti ipupusay dagiti 600 nga indibidual.