Immapela ti grupo nga idadauloan ni Atty. Rodel Taton ken sumagmamano a doctor ken abogado manipod idiay Iloilo iti desision iti Ombudsman a nangibasura iti kaso a naipila kontra kada sigud a Finance Secretary Ralph Recto at PhilHealth chief Emmanuel Ledesma Jr.
Maipapan daytoy iti reklamo a plunder, technical malversation, at graft seknan iti panangiyakar iti ₱60 bilyo a pondo iti PhilHealth paturong iti National Treasury.
Immunan a kinuna iti Ombudsman nga awan ti kriminal a sungsungbatan dagiti opisial gaputa naisayangkat ti transfer a nasayaat ken maitunos iti 2024 national budget law, ken naisubli metlaeng ti pondo kasaruno iti desision iti Korte Suprema a nangideklara nga iligal ti nasao a probision.
Impaganetget dagiti petitioner iti motion for reconsideration da a saan a rumbeng a maabswelto dagiti opisial, ken impaganetgetda a ti pakabuklan a proseso manipod iti budget insertion agingga iti fund transfer ket mangipakpakita iti nalawag a partisipasion iti panagsungbat kadagiti akusado.
Sigun kenni Taton, saan a maibilang nga “incidental” ti nasao nga addang ken rumbeng a kitaen ti pakabuklan a konteksto ti panangbukel ken panangipatungpal iti 2024 budget.
