BAGUIO CITY — Makipatang ni Abra Governor Joy Bernos kenni PNP chief Director General Ronald Dela Rosa inton Pebrero 2.
Kinuna ti gobernador a karaman kadagiti pagsaritaanda ti panagbalin a kangrunaan a sangaili ni Dela Rosa iti Cordillera Administrative Region Athletic Association (CARAA) Meet a maangay inton Pebrero 4 agingga 9.
Inayona a malaksid iti daytoy ket pagsaritaanda metlaeng ti seguridad a maipaay para kadagiti nasaurok 5,000 nga atleta a makipaset iti CARAA meet.
Kinunana a nabayagdan a tarigagay nga iti probinsya dagitoy a maipatungpal ti CARAA isut gapuna a panggepda a napintas ti agbalin a resulta daytoy.
Mainaig iti daytoy, impanamnama met ni PSSupt. Wilson Soliba, dadaulo ti Abra PNP ti nainget a seguridad nga ipaay dagiti kameng ti kapulisan.
Kinunana a nasurok iti 7,000 a pulis ti agbantay manipud iti Police Regional Office Cordillera ken manayunan pay daytoy manipud kadagiti kameng ti Armed Forces of the Philippines.
