BAGUIO CITY – Nakasaganan ti probinsiya ti Abra para iti natalna a selebrasyon ti maika-37th a Cordillera Day iti Abra Sports Complex inton Hulyo 15.
Sigun iti Abra Police Provincial Office, agbalin a full alert status ti opisina dagitoy mangrugi ita nga aldaw.
Maideploy dagiti kameng ti pulisya ken security personnel iti nagduduma a lugar ti probinsiya tapno masigurado ti seguridad dagiti mapasangbay a delegado ken participants manipud iti regional offices ken nagduduma a probinsiya ti Cordillera.
Kinuna met ni PCol. Froiland Lopez, Regional Operations Division Chief of Police Regional Office – Cordillera a maideploy dagiti kameng ti Regional Mobile Force Battalion para iti kanayonan a pwersa.
Kabayatanna, nakasagana metten ti Provincial Local Government Unit ti Abra para kadagiti security measures kadagiti lugar a pakaipatungpalan ti nasao a selebrasyon.
Maipalagip nga idi Hulyo 11 ket napasamak ti panagbettak ti maatap nga hand grenade iti pagtaengan ni La Paz Municipal Administrator Perfecto Cardenas idiay Zone 6, Bangued, Abra.