Kinumpirmar ita nga aldaw ti Malakanyang a naibilin ti pannakasuspindir ni Abra Vice Governor Maria Jocelyn Valera-Bernos gapu ti pammilinna a maipasidong ti “lockdown” ti ospital bayat ti COVID-19 pandemic.
Kinumpirmar daytoy ni Secretary Lucas Bersamin.
Sinuspindir ti opisina ti Presidente ni Bernos iti sangapulo ket walo a bulan nga adda pakainaiganna iti adminstratibo a kaso a naipila kontra kenkuana idi gobernador paylaeng daytoy.
Inserbi ti Department of the Interior and Local Government (DILG) ti pammilin a pannakasuspindir kenni Bernos.
Ti pannakasuspindir ket impaay ti Office of the President babaen iti Deputy Executive Secretary for Legal Affairs.
Nagtaud ti kaso ni Bernos manipod idi panawen kas gobernador ti Abra nu sadinno, simmango ti nagduduma a reklamo kas ti “oppression,” “abuse of authority,” “conduct unbecoming of a public official,” ken ti “disobedience to national government policies.”
Ti reklamo ket impila ti maysa a medical director iti ospital idiay Abra.
Indepensar met ni Abra Vice Governor Maria Jocelyn Valera-Bernos ti desision ti nasao nga opisina nu sadino, kinunana nga impasiguradona laeng ti kinatalged dagiti tattao ti Abra manipod iti virus.
Patien ni Bernos a ti pannakasuspindir ket “moot and academic” agsipudta saanen daytoy a gobernador ti Abra.
Nangipila metten ti kampo daytoy ti petision a “certiorari” iti korte, a mangsapsapul ti temporario a pannakalapped ti pammilin.
Panggepda pay nga ipangato ti kaso iti Court of Appeals.
