Inwaragawag ni President Ferdinand Marcos, Jr. ita nga aldaw ti pannakaipaay ti absolute pardon kenni Mary Jane Veloso, ti Overseas Filipino Worker (OFW) a napasubli iti pagilian a Pilipinas idi Disyembre 2024 kalpasan a naibalud iti agarup 15 a tawen idiay Indonesia gapu iti maatap a drug trafficking.
Naarestar ni Veloso idi 2010 idiay Yogyakarta, Indonesia, ken nasentensyaan iti pannakapapatay iti isu metlaeng a tawen kalpasan a nasarakan dagiti otoridad ti agarup 2.6 a kilo ti heroin iti luggage daytoy.
Nupay kasta, impetteng ni Veloso nga inosente daytoy ken biktima daytoy iti human trafficking kasta metten nga inalilaw laeng daytoy dagiti recruitersna a mang-awit iti nasao a suitcase.
Nakaawat daytoy iti last -minute reprive idi 2015 kalpasan a kinidaw ti administrasyon Duterte ti Indonesia nga ispalenda ni Veloso tapno makatestigo daytoy kadagiti human traffickers.
Kalpasan iti sumagmamano a diplomatic engagements iti nagbaetan ti Pilipinas ken Indonesia, napasubli ni Veloso iti pagilian a Pilipinas idi 2024 ken naiyakar idiay Correctional Institution for Women in Mandaluyong City tapno ditoyna nga iserbi ti nabatbati a legal sentence na iti sidung ti Philippine jurisdiction.