Kangrunaan a sangsangwen ti rehion Cordillera, nangruna iti siudad ti Baguio ti cybercrime partikular ti lodging wenno accommodation scams.
Sigun kenni Undersecretary of Cyber Investigation and Coordinating Center Alexander Ramos, mangipaayda iti espasio kas “base” dagitoy gapu iti nagraira nga scam iti siudad ti Baguio.
Innayon pay ni Ramos nga adu dagiti maaw-awatda a report wenno datos seknan iti insidente ti scam, partikular iti siudad.
Kaadduan a mabikbiktima dagiti turista a nagtaud iti National Capital Region, agraman dagiti lokal ken bisita manipud kadagiti dadduma a kabangibang a lugar.
Kangrunaan a biktima dagitoy iti online booking kadagiti transients ken lodging.
Gapu iti dayta, mapalpalagipan ti publiko a saan dagitoy a dagus a mamati kadagiti “to good to be true” nangruna no online transaction daytoy.//Bombo Novey Organo
