--Ads--
Sumangsango ni ACT-CIS Representative Erwin Tulfo iti sabali manen a “disqualification case” a pakairamanan ti libel conviction daytoy idi tawen 2008.
Ti maikadua a disqualifcation case ni Tulfo para iti panagtarayna iti senador ket impila ni Berteni Causing iti Commission on Elections.
Kinuwestionar pay ni Causing ti citizenship ni Tulfo kasta met ti academic qualifications daytoy.
Sigun kenni Causing, saan a Filipino citizen ni Tulfo gapu ta saanna nga imbabawi ti US citizenship daytoy.
Kabayatanna, ur-urayen pay laeng ti kampo ni Tulfo ti kopya ti nasao a petition bayat nga impeksana ti komitment daytoy a mangsungbat kadagiti kaso sa sangsangoenna.//M
