Naggunayen ti agdama nga acting president ti South Korea a ni Han Duck-soo tapno patalgedanna dagiti kaalyado ti pagilian a South Korea ken kalmaenna dagiti merkado a pagtataudan ti pinansial, maysa nga aldaw kalpasan ti “impeachment” kenpannakasuspindir ni President Yoon Suk Yeol iti trabahona gapu iti panangideklarana iti martial law.
Ni Han ket nakipagsaritan keni Estados Unidos President Joe Biden babaen ti selpon, sigun iti pannakangiwat ti White House ken opisina ni Han.
Kinuna ni Han nga ipatungpal ti South Korea dagiti pagalagadan iti seguridad nga awan ti pannakasinga ken ikagumaanna a siguraduen a mataginayon ken maparang-ay a sititibker ti aliansa ti South Korea ken Estados Unidos.
Impablaak met ti kangrunaan nga opisina ni Han a saanda a padasen a maipapanaw ni Han iti takem gapu iti pannakairamanna iti desision a panangpapanaw kenni Yoon idi Disiembre a tres iti agdama a tawen.
Ni Yoon ket saan a nagparang idi kalman ti agsapa kas sungbat iti summons para iti panagsaludsod kenkuana seknan iti desisionna iti martial law, ken inkarida nga ipaulog ti sabali manen a bilin tapno agparang daytoy, sigun kadagiti prosecutors.
