--Ads--
BAGUIO CITY –
Impila ni Councilor Mylen Yaranon iti city council ti maysa a resolusyon a mangsalsaludsod iti Baguio General Hospital and Medical Center nu adda ti umdas nga anti-venom a mang-agas iti kagat ti cobra.
Babaen iti daytoy ket maimpormaran ti publiko nu adda ti umdas nga agas nu bilang man adda ti mabiktima iti siyudad.
Maipalagip nga idi Enero singko ti agdama a tawen ket naimatangan ti maysa a king cobra iti uneg ti apartment idiay Sto. Tomas, Balacbac, Baguio City.
Naimatangan metlaeng ti maysa pay a cobra a sumsumrek iti arubayan ti maysa a balay idiay Upper Atok Trail, Baguio City idi Marso 21.
