BAGUIO CITY – Nangipila ti Criminal Investigation and Detection Group Kalinga/Apayao Feild Unit ken Kalinga Provincial Police Office ti administrative ken criminal case kontra iti maysa a barangay kapitan sadiay Tinglayan, Kalinga.
Nabigbig daytoy a ni Leon Lammawen Baydon, incumbent Barangay Chairman ti Buscalan, Tinglayan, Kalinga
Maibasar ti report ti CIDG-Kalinga, naipila ti administrative case for Grave Misconduct iti opisina ti Deputy Ombudsman for Luzon idi Mayo 20, 2022 bayat a naipila ti criminal case a panaglabsing iti PD 1829 wenno Obstruction of Justice iti Provincial Prosecutors Office, Justice Hall Bulanao, Tabuk City idi Mayo 23, 2022
Naamuan nga idi April 25, 2022, lima nga indibidwal ti nakemmeg dagiti myembro ti PNP Regional Mobile Force Battalion, 1502nd Manuever Company gapu iti maatap a panaglabsing da iti RA 9165, RA 10591 ken COMELEC gun ban kalpasan a naaktuan dagitoy nga agap-apit iti marijuana kabayatan ti police operationda iti kabambantayan ti Buscalan, Tinglayan.
Nupay kasta, kabayatan iti panagturung dagiti pulis ken dagiti nakemmegda nga indibidwal iti Centro Buscalan idi nilapdan dagitoy ni Punong Barangay Baydon kadwana ti 150 a residene nga armado ti buneng ken pwersado nga inalada dagiti lima a natilew nga indibidwal.
Gapu iti dayta, dagus a naipila dagiti nasao a kaso kontra iti nasao a barangay official.
