Madanagan dagiti ado a negosyante a Filipino-American sadiay Estados Unidos iti impaulog ni US President Donald Trump nga immigration crackdown.
Iti panakiuman ti Bombo Radyo kenni Jun Delfrado Villanueva, Bombo International News Correspondent sadiay Estados Unidos, kinunana nga awan ti maaramidan dagiti negosyante no diket ti agtulnog iti pammilin ni US President Trump ken ti panang-ikkat kadagiti awanan iti umno a papel nga immigrants.
Nupay kasta, madanagan dagitoy gapu ta maksayan iti trabahadorda kasta met a nasken a maipaay ti minimum a sweldo.
Sigun kenni Villanueva, dagiti undocumented immigrants nga agtrabtrabaho sadiay Estados Unidos ket nababbaba ti sweldoda rason a no maikkat dagitoy ket kasapulan a nakarehistro dagiti agtrabaho a rumbeng nga umno a sweldo a maipaay.
Kinuna ni Villanueva a dagiti negosyante nga aglabsing iti immigrants crackdown ket maipaayan iti pannusa a $20-K.
Kabayatanna,ti maaramidan dagiti saan a dokumentado a Pilipino sadiay ket ti agsubli iti pagilian, ti aglemmeng wenno ti agturong iti sabali a pagilian.
