--Ads--

Naaddaan iti problema iti Baguio City gapu iti kinaadu iti bisita nu sadino kinasapulan a ma-augment dagiti jeepneys.


Iti pannakiuman ti Bombo Radyo Baguio kenni Engr.Richard Lardizabal, Chief iti City Engineering Office, kinunana nga idi napalabas a lawas nangiruwar ni Mayor Benjamin Magalong iti Memorandum a mangiparparangaran iti manamnama a panag-adu dagiti bisita isu’t gapuna nga idi November 16, naadaan iti Libreng Sakay. Agpaut daytoy agingga inton Nobyembre 22.


Impeksa metlaeng ni Lardizabal a naaddaan dagitoy iti panagtataripnong idi Nobyembre 17 kadua ti Baguio City Police Office (BCPO), Public Order and Safety Division (POSD), Management Information and Technology Division (MITD), CDRRMC (City Disaster Risk Reduction and Management Council) , CATMO (City Administrator’s Office) ken grupo iti transport sector tapno pagsaritaanda dagiti solusyon kadagiti problema nu sadino nakitada a numero uno a pakapaspasamakan ti problema ti lugan ket iti Kias, Bakakeng, Pacdal, Quirino Hill ken dadduma pay a PUJ lines.


Nakamonitor met ti Management Information and Technology Division (MITD) ken CDRRMC kadagiti availability iti jeepneys ken loading areas no sadino nangaramat da pay kadagiti drones ken CCTV tapno mangmonitor nu anya dagiti dadduma a pagtaudan dagiti problema.


Inaklon ni Engr.Richard Lardizabal nga adda nagkuranganda iti umno a coordination, nupay kasta impeksana nga agtultuloy ti panangpasayaatda iti coordination meeting ken augmentation.


Ekspektaren metlaeng daytoy nga adu pay dagiti ummay a bisita nangnangruna inton Disyembre isunga itultuloyda ti panangpasayaaten iti coordination meeting ken augmentation no sadino kasapulan nga ipaayanda dagiti umili iti gundaway nga iyebkasda dagiti pakaseknanda.


Iti sabali a bangir, imbinglay ni Lardizabal a mannarimaan metten ti pannakitinnulong dagiti nagduduma a departamento kas iti City Tourism, CEPMO, City Planning and Development Office para iti dekorasyon ti nagduduma a parke iti siudad para iti umadani a holiday season.


Dinakamatna metlaeng nga adadda a napinpintas ti coordination iti CEO ken ti DPWH tatta.| via Bombo Syra Calion