Inwaragawag ni Attorney Levito Baligod nga agisagana daytoy iti affidavit manipud kadagiti indibidual a nakakita iti interview ti Office of the Ombudsman kadagiti “maleta boys.”
Panggep daytoy a paneknekan a saan a pudno ti imbutaktak dagiti uppat “maleta boys” a napilitan ken napangtaanda tapno agpermada iti naisasagana nga affidavit.
Sigun kenni Baligod, agisaganda iti affidavit manipud kadagiti nagobserbar iti proceedings kabayatan ti question and answer iti nagbaetan dagiti witness ken dagiti abogado ti Ombudsman.
Karaman ditoy no kasaruno a na-interview dagiti “maleta boys”.
Kabayatanna, kinuna ni Baligod a nabayag a biktima iti pangta dagiti uppat a “maleta boys” a nangibabawi iti affidavit dagitoy.