Baguio City-Indaulwan ni Gen. Romeo S. Brawner, Chief of Staff ti Armed Forces of the Philippines(AFP) ti panagturpos dagiti mangbukbukel iti Class 08-24 ken Class 09-24 a naisayangkat idiay Ambassador Rosario Hall ti Baguio Country Club.
Dumanon iti 84 nga indibidual ti balligi a nagturpos iti Basic Citizen Military Course ti Philippine Navy.
Naipasidong iti nasurok makabulan dagiti incoming reservist nu sadino, nasukat ti kapabilidad dagitoy iti physical ken mental nga aspeto.
Karaman nga immatendar ditoy nga aktibidad da Cdr. Anthony de Leon, Officer-In-Charge, Naval Forces Reserve-Northern Luzon; Lt Dan Michael Ruz, Course Director; MGen Joseph Ferrous Cuison, Commander Naval Reserve Command; VADM Toribio Adaci, Flag Officer in Command ti Philippine Navy;ken LtGen Fernyl Buca, Commander Northern Luzon Command.
Iti mensahe ni General Brawner, kinomendaranna dagiti nagturpos iti basic citizen military course gapu iti impakita dagitoy a resilience ken kinatured iti training.
Innayon pay ni Genenarl Brawner a kas baro a miembro iti Naval Reserve Force,kasapulan ti panagkakaysa ti tunggal maysa tapno maidepensa ti soberanya ti pagilyan kagiddan iti tension a mapaspasamak idiay West Philippine Sea kontra kadagiti pwersa ti Chinese Navy.
Kagiddan dayta, ginuyugoy pay ti opisyal nga ituloy dagiti baro a miembro ti navy reserve force a pasayaaten pay ti skills dagitoy babaen iti Advance Citizen Military Training. //Bombo Jordan Tablac
