Dumanon iti 10 metric tons a tilapia ti natay iti maysa a fish pen iti Magat Dam idiay Isabela gapu iti fish kill.
Maibasar iti datos, mapattapatta a dumanon iti nasurok P1 million ti lugi ti maysa nga operator ken agay-aywan ti Tilapia iti nasao a lugar.
Sigun iti Bureau of Fisheries and Aquatic Resources wenno BFAR-Isabela, resulta daytoy ti panagbaba ti danum iti dam ken kinakurang ti oxygen.
Malaksid iti dayta, dumanon iti 10 metric tons ti Tilapia ti maatap a natay iti maysa a fish pen idiay Ramon ken Cordon.
Katukad daytoy ti agarup P1.2 million a pannakalugi kadagiti operator.
Nangrugi nga umaw-awat ti BFAR kadagiti fish kills idi June 22, 2026 isu’t gapuna a dagus a binalakadanda dagiti operators nga apitenda dagiti ikan tapno maliklikan ti fish kill.
Nupay kasta, dadduma nga operator ti saan a nakasalbar iti Talipia dagitoy,
Kabayatanna, inkari ti Isabela Provincial Fishery Office ti tulong kadagiti apektado a fish pen operators, pakairamanan ti panangipaay iti libre a fingerlings tapno matulonganda a mangrugi manen.
