--Ads--
Agarup 100 nga indibidual ti pimmusay idiay Zamboye, western Central African Republic kalpasan a nargaay ti maysa nga artisan gold mine.
Napasamak ti nasao nga insidente itay nabiit no sadino addu a minero ti mannarimaan nga agtatrabaho iti nasao a pagminasan.
Sigun kadagiti lokal nga opisyal, agtultuloy ti operasyon sadiay tapno masarakan dagiti mapukpukaw nga indibidual a posible a nagaburan.
Iti agdama, awan pay laeng ti opisyal a bilang nu manu dagiti pimmusay gapu iti napasamak.
Inlawlawag met dagiti opisyal sadiay a kadawyan a mapaspasamak ti panagregaay iti nasao a pasdek gapu iti kinakurang ti regulasyon, kagawaan, ken safety measures kadagiti babasit a pagminasan. //𝓴𝓬𝓼//
