Agarup 103 a siudad ken munisipyo iti pagilian, naapektaran iti El Niño; P3.94 Billion, nadadael iti sektor ti agricultura

Naapektaran iti El Niño phenomenon ti agarup 103 a siudad ken munisipyo, pakairamanan ti lima a probinsia ti pagilian, partikular iti Occidental Mindoro, Antique, Sultan Kudarat, Basilan ken Maguindanao del Sur.

Maibasar iti kaudian a datos manipud iti Department of Agriculture, dumanon iti P3.94 Billion dagiti nadadael iti sektor ti agrikultura nga intunda ti El Niño.

Sigun kenni Joey Villarama, Spokesman Assistant Secretary ti Presidential Communications Office, 78% iti 66,000 ti posible a maisalba.

Nupay kasta, manamnama a bumassit ti epekto ti El Niño iti pagilian intun ngudo ti Mayo ken impanamnama ti nasao nga opisyal a nakasagana ti gobierno a mangipaay ti tulong kadagiti naapektaran iti nasao a phenomenon.