Agarup 124 a motorista ti natiliw iti panangipatungpal dagiti otoridad iti kampanya kontra iti panagaramat kadagiti nalalaaw a tambutso iti siudad ti Baguio.
Ti nasao a bilang, natiliw iti tallo laeng nga aldaw nga operasyon manipud idi Hunyo 12 agingga 14.
Sigun iti datos dagiti kapulisan, 44 iti nasao a bilang ket natiliw gapu iti loud mufflers bayat a dagiti 80 ket natiliw gapu iti muffler modifications.
Ti nasao nga operasyon ken maitunos iti bilin ni Mayor Benjamin Magalong idi Hunyo 3 iti agdama a tawen a maipawilen ti panagaramat kadagiti loud and aftermarket mufflers.
Sigun kenni BCPO Director P Col Ruel Tagel, agarup 43 a kapulisan ti nadeputized tapno mangtutok iti nasao a direktiba.
Innayon daytoy nga agtuloy ti operasyon kas paset iti komitment ti lokal a gobyerno ti siudad a mangpatalinaed iti natalna nga aglawlaw para kadagiti residente ken bisita ti siudad.
Maipalagip nga immunan a nangipaulog ti Land Transportation Office (LTO) ti memorandum seknan iti nasao a kampanya no sadino mamulta dagiti aglabsing iti P5,000. //bombokaren.c.sapirao
