Pimmusay ti agarup 13 nga indibidual iti panagraut nga inyuswat ti Russia iti kabisera ti Ukraine a Kyiv.
Daytoy ket kagiddan ti panangwayawayada kadagiti ginasgasut a balud iti maikadua nga aldaw a panagsinnukat dagiti balud.
Dumanon iti agarup 4 nga indibidual ti napapatay iti iti makindaya a rehion ti Donetsk, 5 iti makin-abagatan a rehion ti Kherson ken Odesa, ken 4 iti makin-amianan a rehion ti Kharkiv iti napalabas a 24 nga oras, sigun kadagiti opisial ti rehion.
Sigun iti Ukraine’s Air Force, nangiyuswat ti 14 a ballistic missiles ti Russia ken 250 a “drones attack” iti pagilianda a nakapokus idiay Kyiv.
Gapu iti dayta, agarup sangapulo ket walo nga indibidual ti nadangran bayat a nauram ken nakaro a nadadael dagiti kaaduan a “residential buildings.”
Ti panagraut ket napasamak kalpasan a nakompleto ti Russia ken Ukraine ti umuna a paset ti kadakkelan a panagsinnukat dagiti balud sipud idi nangrugi ti gubat.
Agarup innem a gasut a Russian ken Ukrainian ti nawayawayaan ita nga aldaw a paset ti maikadua a tukad ti katulagan a “prisoner exchange.”