Naapektaran dagiti agarup 300,000 nga iktaraya ti bushland sadiay Victoria, Australia gapu iti bushfire a pinakaro ti heatwave.
Nagrugi ti uram idi Sabado, Enero 10, 2026.
Naideklara ti kangatuan nga alert level iti New South Wales gapu iti dayt0y.
Sigun iti Rural Fire Service, dumanon iti 40 Celsius ti temperatura sadiay.
Sigun met kadagiti otoridad, agarup 130 nga estruktura ti naapektaran.
Kabayatanna, naawanan iti koriente dagiti agarup 38,000 a pagtaengan ken negosyo gapu iti nasao a bushfire.
Gapu iti nasao nga insidente, napaiserra dagiti parke ken campground sadiay Victoria.
Dagus metlaeng a naibilin ti panagbakwit dagiti residente iti nasao a lugar.
Iti agdama, agtultuloy ti heatwave warning iti dakkel a paset ti Victoria, naka-aktibo metlaeng ti fire weather warnings kadagiti adu a paset iti nasao a lugar.
