Impakaammo ti emhaba ti Iran idiay United Nations (UN) a dumanonen iti 1,332 ti bilang dagiti nakumpirmar a pimmusay a sibilyan ken rinib-ribo ti nadangran iti agtultuloy a tensyon idiay Middle East.
Sigun kenni Iranian United Nations Ambassador Amir Saeid Iravani, kaaduan kadagiti pimmusay ket sibiliyan.
Impetteng daytoy a maatap nga ingagara ti Israel ken United States a puntiryaen dagiti imprastraktura a paggigiyanan dagiti sibilyan saan a pada ti Iran a military site laeng ti pinuntiryada kadagiti panag-atakeda.
Inlawlawag pay daytoy a saan a target ti Iran dagiti dadduma a pagilian a naapektaran iti panagbinales dagiti tallo a pagilian.
Sinungbatan met daytoy ti Amerika ken Israel no sadino impettengda a ti Iran ti immatake kadagiti sibilyan.
Kabayatanna, inawagan ni United States President Donald Trump ti pagilian nga Iran iti “unconditional surrender”.
Innayon pay ni Trump a kasapulan a maaddaan ti papel ken dokumento iti panangpilida iti sumaruno a lider da.
Binabalaw met daytoy ti Iran ken impettengda a ti dakdakamaten ni Trump ket pannakibiang iti internal issues ti nasao a pagilian. //BomboKCS
