Nakairekord ti Philippine Coast Guard ti agarup 139,000 a pasahero ita a Maundy Thursday kadagiti nagduduma a sangladan iti pagilian.
Maibasar iti datos ti Philippine Coast Guard iti oras nga alas sais ti agsapa agingga pangaldaw, 73, 282 dagiti outbound wenno paruar a pasahero bayat a 66, 331 dagiti inbound wenno dagiti pauneg a pasahero.
Nangisayangkat met ti inspeksyon ti Philippine Coast Guard kadagiti 1,644 a motorbancas ken daduma a 449 a barko kadagiti nagduduma a terminal ti pagilian.
Kabayatanna, nakadeploy ti 3,608 a Coast Guard personnel kadagiti sangapulo ket lima a distrito ti Philippine Coast Guard.
Naka-high alert met dagiti amin a distrito, stations ken sub-stations ti Philippine Coast Guard nangrugi idi March 24 nga agpatingga inton March 31 para iti panakaimanehar ti isasangbay dagiti pasahero ita a Holy week.
