--Ads--
Nagangkat manen ti National Dairy Authority (NDA) iti baka manipud sadiay Australia tapno manayunan ti produksyon ti gatas iti pagilian.
Sigun iti NDA, nakaawat dagitoy iti 1,419 a masikog a baka.
Maipaay dagiti baka kadagiti kualipikado a mannalon ken kooperatiba kas tulong iti panangpaadu iti taraken a baka ken panangpasayaat iti pagbiyagan dagitoy.
Maiturong ti 150 a baka sadiay Nueva Ecija, 150 sadiay Bohol bayat a ti nabatbati a 1,119 ket maiturong sadiay Bukidnon para iti quarantine ken acclimatization.
Manamnama nga umadu iti 2,527 ti populasion dagiti dairy cattle iti pagilian a mangipaay iti kanayunan a 5.9 a milion a litro ti gatas inton 2027.
