Nakapasa ti agarup 14,000 a civilian examinees iti Philippine National Police (PNP) Entrance Examinations bayat a 3,000 police officers ti kualipikado para iti PNP Promotional Examinations.
Sigun iti National Police Commission (NAPOLCOM), naangay ti eksaminasion idi October 19, 2025 kadagiti 38 examination centers iti intero a pagilian.
Manipud iti 44, 309 nga examinees, 17, 403 dagiti nakapasa.
Iti nasao a bilang, 14, 438 a sibilian a nagiksamin ti nakapasa iti PNP Entrance Examination.
Gapu iti dayta, kualipikado dagitoy nga agaplikar para iti pannakaapointar kas patrolman wenno patrolwoman, la kitdi addaan dagitoy kadagiti naituding a kasapulan a maibasar iti Republic Act 8551 wenno 1998 PNP Reform and Reorganization Act.
Iti sabali a bangir, dumanon iti 2,965 nga in-service police officers ti nakapasa iti Promotional Examinations.
Gapu iti dayta, kualipikado dagitoy para iti promosion iti nangatngato a ranggo iti PNP.
