--Ads--
Agarup 17,000 a Philippine Coast Guard ti maideploy kadagiti nagduduma a piyer ken beach resorts iti pagilian ita a Semana Santa.
Daytoy ket paset ti addang ti nasao nga opisina tapno tumulong iti panangsigurado iti linak ken kapia iti publiko kabayatan iti panangobserba ti Semanata Santa.
Bilbilinen met ti Philippine Coast Guard ti publiko nga agtalinaed latta a naridam ken liklikan nga aglangoy kadagiti baybay no nakainom iti arak tapno maliklikan ti pannakalned bayat iti bakasyon.
Sigun kenni Coast Guard spokersperson Commodore Noemie Cayabyab, pannakalned gamin ti kaaduan a bilang ti insidente a mamonmonitor dagitoy tunggal maobserbar ti Kwaresma. //bombokaren.c.s
