Balligi a naarestar ti agarup 184 a Wanted Persons babaen iti nagtipon nga operasyon dagiti pulisya ken intelligence unit ti Baguio City Police Office (BCPO) manipud Abril 1 agingga Hulyo 22, iti agdama a tawen kas paset iti kampanyada kontra iti krimen.
Impetteng ni BCPO City Director Police Col. Ruel Tagel a naartapanda ti accomplishment da idi napalabas a tawen iti 21 arrests.
Binigbig met ni Director Tagel a ti nangato a bilang dagiti naarestar dagitoy ket gapu iti agtultuloy nga initiatiba ti kapulisan ken kakaduada a law enforcement units.
Impetteng met daytoy nga agtuloy latta ti panangpapigsada iti intelligence monitoring, target profiling, ken coordinated operations.
Kabayatanna, minintinir ti BCPO ti kampanyada kontra iti loose firearms no sadino impakaamo ti nasao nga opisina a dumanon metten iti 49 nga armas ti narekober, nakumpiskar, ken naisurrender iti nasao nga opisina.
Kanayonanna, impakaammo ti nasao nga opisina nga agtultuloy ti panangpapigsa iti kampanya tapno maamuwan ti publiko ti maipanggep iti responsible firearm ownership ken tapno masigurado da nga agcomply dagitoy iti Republic Act No. 10591 wenno ti Comprehensive Firearms and Ammunition Law.