Pimmusay ti agarup sangapulo ket siam nga indibidual pakairamanan ti siam nga ubbing, bayat a pito pulo ket dua ti nadangran iti panagatake ti missile ti Russia iti pagtaengan ti presidente ti Ukriane idiay Kryvyi Rih City itay kanikadua.
Karaman kadagiti pito pulo ket dua a nadangran ket maysa a maladaga nga agtawen ti tallo a bulan.
Gapu iti panagatake, nakaro a nadadael dagiti apartment buildings ken innem nga education institutes argaman dagiti “shops” ken negosio, sigun kenni Oleksandr Vilkul, Kryvyi Rih mayor.
Ti ili a nakayanakan ni Zelensky ket maulit-ulit a rinaut ti Russia iti napalpalabas a bulan agingga iti agdama.
Itay laeng nabiit, immatake metlaeng ti Russia iti pagtaengan ti presidente a nakatayan ti uppat a sibilian iti paradaan ti taxi.
