Inwaragawag ti Commission on Elections (Comelec) a dumanunen iti agarup 2.1 Million dagiti nagparehistro para iti Barangay and Sangguniang Kabataan Elections (BSKE) iti intero a pagilian.
Kaaduan kadagiti registrants ket manipud iti Calabarzon, sinaruno ti Central Luzon ken Metro Manila.
Kabayatanna, impeksa ni Comelec Chairman George Garcia ti panagyamanna iti balligi a 10-day voter registration period.
Mabalin nga agparehistro kadagiti pagadalan, transport terminal, ken dadduma nga ospital, sigun iti Comelec.
Immun-una a kinuna ti nasao nga ahensia nga awan ti extension ti voter’s registration gaputa maiparit iti linteg ti 120 nga aldaw sakbay ti eleksion.
Nupay kasta, maituloy ti voter registration inton Oktubre agingga Hulio 2026 no pirmaan ni President Ferdinand Marcos Jr. a maitantan ti BSKE ita a tawen.
