Apekto iti layus ti agarup 2.4 million a pamilya manipud iti 10 a rehion iti Luzon, Visayas ken Mindanao gapu iti layus nga intuntunda ti Habagat.
Sigun iti Office of the Civil Defense, agtaltalinaed a 32 ti bilang dagiti kompirmado a pimmusay bayat a 19 ti nadangran ken tallo ti mapukpukaw.
Iti agdama, agnanaed paylaeng dagiti 35,500 a pamilya wenno 122,500 nga indibidual kadagiti nagduduma nga evacuation centers iti pagilian.
Naipaulog metten ti orange rainfull ken Yellow rainfull kadagiti sumagmamano a lugar iti luzon gapu iti agtultuloy paylaeng a panagtudtudo a posible a mangpakaro iti layus.
Kabayatanna, naipasidomg iti state of calamity ti Tarlac kasaruno ti pannakarba ti dua a rangtay sadiay.