--Ads--
Panggep ti Department of Health (DOH) a bakunaan ti agarup 2 million nga estudiante kontra iti Human Papillomavirus (HPV), maysa a virus a mangipapaay iti cervical cancer.
Iti sidong ti Bakuna Eskwela program, punteria ti ahensiya a bakunaan ti 2.007 million nga estudiante iti Grade 4 agingga Grade 5 manipud kadagiti parapubliko ken pribado a pagadalan iti pagilian.
Ti Bakuna Eskwela ket tinawen nga school-based immunization program a naibasar iti pagadalan ti DOH ken Department of Education.
Mangipaay daytoy iti bakuna kontra iti cervical cancer, measles, German measles (rubella), tetanus, ken diphtheria.
