Agarup 2 Milyon nga indemnification ti manamnama a maipaay kadagiti hog raisers nga apektado iti panagwaras ti African Swine Fever (ASF) iti probinsya ti Benguet.
Sigun kenni Dr. Purita Lesing, Provincial Veterinary Officer, posible nga agkurang ti nasao a gatad gapu ta karaman metlaeng iti pondo dagiti animal raisers a naapektaran iti bagyo Nupay kasta, kinunana a nakiuman metteng dagitoy iti Regional Department of Agriculture tapno matulongan ti Regional Office dagiti posible a saan a ma-cater ti Provincial.
Malaksid iti dayta, adda metlaeng ti QRF dagiti munisipyo para iti nasao a programa.
Impeksa ni Lesing a dumanoen iti P7,753,000 ti danyos ti napukaw a baboy gapu iti ASF ken sabali pay manen dagiti naapektaran gapu iti bagyo no sadino P8 Milyon amin ti pakabuklan a danyos na. Umap-apila met ti nasao nga opisyal a saan laeng kuma a mangnamnama ti publiko iti indemnification nu di ket i heightened met dagitoy ti biosecurity kadagiti farms da.
Imbinglay met ni Lesing a rumrumuar iti imbestigasyonda a maysa kadagiti rason nu apay nga ada ti African Swine Fever (ASF) iti uneg ti probinsya ket ti arasaw manipud kadagiti restawran a maipakpakan kadagiti baboy, malaksid iti tudo ken layos a nangpakatro pay iti panagwaras ti nasao a virus.
Malaksid iti daytoy, adda metlaeng epektona ti panaggatang iti online kadagiti semilya no sadino nagpallagio manen ni Dr. Lesing a liklikan ti panaggatang ti semilya iti online gapu ta saan a natest a nalaing dagiti baboy.
Impettengna metlaeng a saan a paunegen iti farm wenno piggery dagiti mapan mangkita baboy gapu tap posible ngamin a maiyakar ti virus babaen iti botas ken bado ken daduma pay apaman a maisagid daytoy iti baboy.
Innayon pay daytoy a saan kuma a bay-bay-an nga adda dagiti walang nga aso a makauneg iti farm.
Umap-apila metlaeng ni Dr. Lesing kadagiti shippers a saanda nga liblibasan dagiti quarantine stations a mangkitkida nu umdas ti papeles dagiti karne a sumsumrek iti probinsya.
Kabayatanna, impeksa ni Dr. Lesing nga adu pay dagiti saan a naireport ngem agtultuloy met latta ti nainget a biosecurity wenno qaurantine stations kadagiti umun-uneg a karne iti Probinsya ti Benguet. //Bombo Noveh Organo
