BAGUIO CITY – Nadadael ti agarup 200 a kilo ti sigarilyo ken dadduma pay a iti naisayangkat a ceremonial crushing idi agsapa ditoy siudad ti Baguio.
Nakumpiskar dagitoy dagiti kameng ti Smoke Free Task Force manipud idi napalabas a tawen 2020.
Paset daytoy ti agtultuloy a kampanya ti Smoke Free Task Force para iti panakaragpat ti Smoke-Free Baguio.
Karaman kadagiti nadadael ti 72 a kilo ti betel nut with tobacco wenno moma ken 102 nga yunit ti electronic nicotine delivery systems wenno vape, JUUL, e-cigarette ken dadduma pay.
Dumanon met iti P2.3-M ti gatad dagiti nadadael a produkto.
Ti Smoke Free Task Force ti Baguio City ket bukbuklen ti Public Order and Safety Division, dagiti deputized barangay ken civilian enforcers ken ti Baguio City Police Office.
