Rinibribo nga Overseas Filipino Workers (OFWs) idiay Middle East ti agkidkiddaw iti repatriation iti tenga ti mannarimaan a tensyon iti nasao a rehiyon.
Sigun iti datos ti gobyerno, agarup 1,979 a Pilipino manipud iti siyam a pagilian idiay Middle East ti mangkidkiddaw iti repatriation. Agarup 633 iti daytoy a bilang ket manipud Kuwait.
Nupay kasta, agtaltalinaed a nakasara dagiti eropuerto iti nasao a rehiyon.
Daytoy met laeng ti rason nu apay a saan pay laeng a maiyawid ti bangkay ti pimmisat nga Overseas Filipino Worker a ni Mary Ann de Vera.
Kabayatanna, agarup 300 a Pilipino manipud Dubai ti nakasangpeten iti Manila kalpasan a naglukat dagiti eropuerto dagitoy.
Kaaduan kadagitoy ket turista a na stranded bayat a 23 kadagitoy ket Overseas Filipino Workers. //BomboKCS