Posible a madadael wenno maapektaran ti agarup 200,000 nga ektarya iti sektor iti agrikultura gapu iti tropical depression (TD) “Aghon”, sigun iti Department of Agriculture (DA).
Maibasar iti datos manipud iti Department of Agriculture (DA), pakabuklan iti 30,340 nga ektarya iti pagay wenno 18.92% ti adda paylaeng iti seedling ken vegetative stages bayat a 41, 395 nga ektarya wenno 25.81% ti adda iti reproductive stage.
Malaksid iti dayta, pakabuklan met iti 15,210 nga ektarya wenno 39.13% ti mais iti adda paylaeng iti seedling ken vegetative stages bayat a 5,884 nga ektarya ti adda iti reproductive stage.
Gapu iti dayta, nagballaag ti nasao a departamento kadagiti mannalon ken mangngalap nga apiten dagitoy dagiti mabalin a maapit a mula ken agaramidda iti post-harvest facilities tapno maliklikan iti pannakalugi.
Naibilin pay kadagiti mannalon a nasken a kitaenda ti seguridad dagiti taraken dagitoy nga ayop kasta met a nasken a dalusanda dagiti drainage systems dagitoy tapno maliklikan ti panaglayos.
