Imbinglay ni Julius Santos, Operation Officer ti City Disaster Risk Reduction and Management Office nga agarup 45 barangays ti naapektaran iti siudad ti Baguio gapu iti naglabas a bagyo ken habagat.
Sigun pay kenkuana, 243 a pappamilya a buklen ti agarup 1100 nga indidbidual ti apektado kadagiti nagduduma a barangay.
Kaaduan kadagiti naapektaran ket manipud Guisad Surong gapu iti panagregaay ti daga sadiay no sadino agarup 60 pamilya ti apektado. Sumaruno met ditoy ti Irisan no sadinp 42 met a pamilya ti naapektaran.
Sigun pay iti kaudian a datos dagitoy, innem a pagtaengan ti ‘fully damaged bayat a 41 met ti bilang dagiti partially damaged a balay.
Innayon ni Santos nga ag-tatransitionda metten manipud search and rescue operation iti rapid damage assessment. //bombokaren.c.sapirao
